في رائعة جديدة لـ خادم الرب المبارك.. الأخ ماهر فايز.. و إهداء من مصري أصيل بـ يحب مصر بجد.. وخايف عليها.. و بيصلّي علشانها... تأملوا ما كتبه من همسات دافئة رائعة في ذكرى 25 يناير
أ- آه آه آه وابكيها.......مين يحضن بلدي يواسيها
ب- باهي باهي يا بهية......لسه شبابك وردة نديّه.
ج- جاد الله علينا بيكي....واحنا جُدنا بينا عليكي.
د- داري داري دمعك داري.....إنتي كبيرتهم يا داري.
ه- هَدّوا هَدّوا فيكي وانتي.....لسّه عفيّة زي ما انتي.
و- واعدناكي وآدي عهدي....إنك تعلي تاني بيدي.
ز- زينة زينة والله زينة....وآدي الطرحة آهيه ف إيدينا.
ح- حاضِر وَلَدِك دَفَّى ضِلّك....بكره العالم ده يحضرلك.
ط- طِنّي يا ودانهم. طنّي......ده صوت أرضي الصارخ منّي.
ي- ياه ياه يا حبيبة......بصي وشوش وإيدين غريبه!!.
ك- كوني مش زي ماكونتيلهم.....خليكي واعية لحيَلْهُم.
ل- لالي يا ليالي فيها.......مصر الجاية مافيش زييها.
م - مصرنا وفيكي مصيرنا......وقمنا وما هايشدك غيرنا.
ن - نوريلهم نوريلهم.....حواليكي شعوب ما أظلمهم.
س - سمّعي وسمّعي فيهُم....مدي إيديكي احتضنيهم.
ع - عودي عودي يا مُهانة....إرفعي الراية والهامة.
ف - فداكي الدم البريء.....عدي بيه من كل ضيق.
ص - صوتنا لك، إحنا ليكي...بصناديق الشهدا اللي عليكي.
ق- قبلوكي بالدماء.....قبليهم بالدعاء.
ر - ردي عاللي قالوا ضِعتي....ياما ظَلَمَه راحوا وعيشتي.
ش- شيدي شيدي وغني تاني....محجوزلك غدّ الأغاني .
ت - تيرا لَمْ لَمْ..تيرا لَمْ لِم........تاني مصر مش هاتضلِّم.
ب- باهي باهي يا بهية......لسه شبابك وردة نديّه.
ج- جاد الله علينا بيكي....واحنا جُدنا بينا عليكي.
د- داري داري دمعك داري.....إنتي كبيرتهم يا داري.
ه- هَدّوا هَدّوا فيكي وانتي.....لسّه عفيّة زي ما انتي.
ح- حاضِر وَلَدِك دَفَّى ضِلّك....بكره العالم ده يحضرلك.
ت - تيرا لَمْ لَمْ..تيرا لَمْ لِم........تاني مصر مش هاتضلِّم.
Post a Comment