برودة الجو وانخفاض درجة الحرارة بهذه الصورة التى لم تشهدها مصر من قبل.. دفعت مستخدمى «فيس بوك» إلى إطلاق وابل من النكات الخفيفة و اللذيذة
الجو بيستهبل فاكر نفسه فى أوروبا ، حد يقوله عيش عيشة أهلك
+++
في هذه الظروف الساقعة التي تمر بها البلاد .. قرّر نسر العلم تخلّيه عن منصبه، وكلّف طائر البطريق بإدارة شئون العلم والله الموفق.
+++
رساله لافراد الامن المركزى: من دلوقتى بحذرهم
مسيل للدموع ماشى ....خرطوش ماشى ..... مطاطى اشطة ميضرش متعودين
رش ميه فـ الجو ده هتغابى عليكم بجد
+++
أنا طلعت الهدوم الصيفي خلاص
.
.
الشتوي مش مكفي :
.
.
الشتوي مش مكفي :
+++
هو الكابتن اللي مألف كتاب الجغرافيا بتاع ابتدائي و بيقول:
جو مصر جاف حار صيفا .. " معتدل " ممطر شتاء !!!!
متأكد انك عايش ف مصر يا برنس
+++
لما احنا كدا كدا هنمووت من السقعة.. يا رب تمطر تلج..... !!!
+++
انا ايه اللي خلاني احلق........ ما كان شعري مدفيني!!
+++
من انجازات الثورة: النهاردة مطرت تلج .. وبقى عندنا جليد زي الدول المتقدمة :))"
+++
هو البرد ده بأه مش مكفيه كده ويررجع ثكككككناته بااااءه .. ولا هايعمل زى المجلس ويللللزق؟؟
+++
عيش .. حرية .. دفاية كهربائية
+++
يا جدعاان اللى معااه ريمووت التكييف يبطل هزاار
+++
انا من البداية يا سقعة بتحمل ، وخلاص كفااية صوابعي بتنمل :):)
+++
احنا بنعييش حملة فريزر التانية علي مصر......
+++
«الطقس طقس أوروبا والعيشة عيشة صومال»
+++
«درجة الحرارة فى القاهرة ٩ وفى نيويورك ٦، شدوا حيلكم ٣ درجات ونوصل للعالمية»
+++
«الجو لو فضل كده لحد ٢٥ يناير.. الجيش ممكن يفض المظاهرات بإزازتين ميه ساقعة»
+++
«مصر دافئة بطبيعتها.. البرد جزء من المخطط الأجنبى عشان عجلة الإنتاج تقفش»
+++
«بالنسبة للناس اللى كانت ناوية تحرق مصر.. ياريت تبدأوا من دلوقتى عشان كده هنموت من البرد»
+++
«واحد اتصل بمراته وهو فى الطريق قالها سخنى ميه، صاحبه قاله إنت حمش قوى، قاله أمال هاغسل المواعين بميه باردة فى الجود ده؟!».
Post a Comment